Khuda Keray | خدا کرے

Nayi subah ho nayi zindagi Khuda keray
Kia keron mein uski bandagi Khuda keray

Badal jaein ujalon mein zehan awam ke
Humaray shehar mein youn roshini Khuda keray

Zameen ki god mein so jaein hai dua magar
Falak se ho humari dosti Khuda keray

Hawari hon jo Al-Masih ke wohi kehty hain
Milay dushman ko haseen zindagi Khuda keray

Masih ke nam peh jo dard uthaein Tahir
Unhi logon se faqt dil lagi Khuda keray

Humari qalam phir chalay na kyoun safhat per?
Humary zehan mein jab shayari Khuda keray