Dastan-e-Saleeb | داستانِ صلیب

Kash ke mein Yesu ki saleeb ke samnay hota
Jab Woh masloob hua mujhe karab ka andazah hota

Keel thonkanay ki awazein aur thathon mein bhi urta
Kanon se sunta apni ankhon se dekhta aisa hota

Korhon say audhartay lotharay jo giray thay wahan
Ek ek mein palkon se chunta yeh mumkin hota

Pasli se behtay khoon aur pani ki dhara mein
Mein dhul jata kirmazi gunahon se chutkara bhi hota

Bay rehmi ki tamam tar dastan jo raqm hui
Is dastan-e-ranj o alm ko bayan kernay wala hota

Yesu ne "Aye Bap in ko muaf ker" kehtay huay
Muaf ker dia, esa hota auron mein bhi hota

Tariq tafarkay hotay na larai jhagray na qatl-o-fasad
Mauaf kertay insan agar, dunya aman ka gehwara hota