Rehna Hai | رہنا ہے

خیمہءجسم و جان میں رہنا ہے
مجھ کو اپنے مکاں میں رہنا ہے
....٭....
آج ہوں اس زمیں کا باشندہ
کل مجھے آسماں میں رہنا ہے
....٭....
جس کو بھی دلبری کا شوق ہوا
اُس کو اک امتحاں میں رہنا ہے
....٭....
اِک طرف تُو ہے اک طرف میں ہوں
اِک دیا درمیاں میں رہنا ہے
....٭....
جو پرندے سفر میں رہتے ہیں
اُن کو کب آشیاں میں رہنا ہے
....٭....
غم کے سائے میں عمر گزری ہے
دھوپ کے سائباں میں رہنا ہے
....٭....
آنکھ کا جام نُور سے بھرلے
روشنی کے جہاں میں رہنا ہے
....٭....
میرے بچوں تمہیں بھی میری طرح
حسرتوں کے جہاں میں رہنا ہے
....٭....
جنگ لڑنی ہے امن کی خاطر
جس کو امن و اماں میں رہنا ہے
....٭....
کیسے کرنا ہے زندگی کو امر
مجھ کو اب اس گماں میں رہنا ہے