Pani | پانی

Sahil se dekhi angrai pani ki
Pani per tasveer banai pani ki

Lehron ko manzoor kiya pani ki tarah
Ek ek moj ne nazam sunai pani ki

Jazboon hi ko qulzam rastah dita hai
Jazboon ne deewar uthai paani ki

Ashk bahaye hum ne taptay sehar mein
Ek lamhay mein jheel banai pani ki

Pani per barish barsay to lagta hai
Pani ne hai pyas bhujai pani ki

Jab pani se sari dunya khatam hui
Ek kashti ne laaj bachai pani ki

Sookha darya rait bahata rehta hai
Aur hawa ne khaak urai pani ki