Paigham-E-Saleeb | پیغام ِ صلیب

Hamd-o-sana ki ghazalein gatay rahein gey hum
Zikar-e-Saleeb sab ko sunatay rahein gey hum

Kholi thi Nasiri ne jo khud apnay khoon se
Rah-e-Nijat sab ko dikhatay rahein gey hum

Shama jala ke rat din Injeel-e-Pak ki
Tarikiyan dilon se mitatay rahain gey hum

Rah-e-Wafa ki inteha hi umar javedan
Mat sohiye keh jan gunwaty rahein gey hum

Bekar mein uthai Shamaun ne saleeb
Har roz dar apni uthatay rahein gey hum

Saray mukaam yad hein hum ko saleeb ke
Sar chodah bar apnay jhukatay rahein gey hum

Pochein gey jab Khayal woh batein saleeb ki
Rudad Calvary ki sunatay rahein gey hum