|
Mohabbat ke rastay peh chaltay raho tum
Wafa be wafaon se kertay raho tum
Hi dushwar garcheh sadakat ki rah
Masiha ki kudrat se chaltay raho tum
Masiha ne tum ko banaya hi noor
Andheron mein har su chamakty raho tum
Karo mat dikhaway ko tum nekiyan
Dikhaway ki adat badaltay raho tum
Kisi se na rakho koi dushmani
Adawat se parhez kertay raho tum
Tumhein gar hi danai ki arzu
Khuda se hamesha darty raho tum
Yateemon ghareebon ki khatir Khayal
Khuda se dua roz kertay raho tum
|
مُحبت کے رستے پہ چلتے رہو تُم
وفا بےوفائوں سے کرتے رہو تُم
ہے دُشوار گرچہ صداقت کی راہ
مسیحا کی قُدرت سے چلتے رہو تم
مسیحا نے تُم کو بنایا ہے نور
اندھیروں میں ہر سُو چمکتے رہو تم
کرو مت دکھاوے کو تُم نیکیاں
دکھاوے کی عادت بدلتے رہو تُم
کسی سے نہ رکھّو کوئی دُشمنی
عداوت سے پرہیز کرتے رہو تُم
تُمہیں گر ہے دانائی کی آرزو
خدا سے ہمیشہ ہی ڈرتے رہو تم
یتیموں غریبوں کی خاطر خیالؔ
خدا سے دعا روز کرتے رہو تُم
|
Copyright © 2010 - 2012