Mere Dua | میری دُعا 

Tere hazoor pohachay mere dua Khudaya
Roh pak mangta hoon kerday ata Khudaya

Kasa garon ki saf mein kesi baradri
Jhukay hain Tere dar peh shah-e-gada Khudaya

Mayosian mita de Tera kalam YaRab
Taseer ka karishma aisa rakha Khudaya

Mere qalam ko apni mizrab Tu bana le
Dil ki sitaar chairay Tere sana Khudaya

Alfaz pur asar hon, paighan pur mohabbat
Shairon mein jazbiat mere ho ya Khudaya

Khalaq-e-Khuda ki khatir poora keron hamesha
Jo mere lab peh aya ehad-e-wafa Khudaya

Alflak say ho agay parwaz ka tahaiya
Meray qalam ki nadurat esi bana Khudaya

Mere zubaan peh ho Tera kalam har dam
Sab uljhanon mein mera ho rahanama Khudaya

Ker day Khayal per bhi shair-o-sukhan ki bakhshish
Mudat se dhondhta hi woh asra Khudaya