Dua Mangty Hain | دعا مانگتے ہیں

Ai ibn-e-khuda hum duaa maangate hain
Tira dast-e-shafqat sada maangte hain

Tire dar se hum aur kya maangate hain
Mairz-e-gunah hain shifa maangate hain

Azaab-e-Fana se humein Tu bacha le
Tery dar se ab-e-baqa mangay hain

Sardar tu ne jo mangi thi ik din
Wohi maghfarat ki dua mangte hain

Hum apni jabein ki tasali ki khatir
Tera har jagah naqsh-e-pa mangtay hain

Har ik girnay walay ko jo tham le
Teray jesa hum rahanama mangtay hain

Khudi ko humari nazar se hata de
Tujhe ik nazar dekhna mangtay hain

Tera pyar yaksan hi neikon badon se
Teray dar se sab ka bhala mangtay hain

Phansi behar-e-asiyan mein hi zindagani
Tere jesa hum na-khuda mangtay hain

Har ik morh per hain karhi mushkalein
Karam tera mushkil kusha mangtay hain

Adu se adawat mita ke Khayal
Masiha ki har dam raza mangtay hain