Andheron Mein | اندھیروں میں

Mein to thehra andheron mein mara hua ik jism
Jis ke charon aur andhera
Nah umeed keh hoga savera
Tashnah aur tanha hai jevan
Abtar na koi khushk hi sehra
Bojh gunah ka itna bhari
Zeest chalay hi hari hari
Jism gunahon ki atish mein hi
Jalta jaye ajab angarah
Reham ki bondein taras ki barkha
Yahowah ne mienh barsaya
Apnay lakht-e-jigar ko kesay
Andheron mein us ne utara
Zaat-e-aqdas ajeeb hi ari
Barrah jis ne khata uthali
Ik ik roh o tan ki khatir
Bhari sooli us ne uthali
Dushman-e-jaan ne korhay maray
dast-o-ba mein keel utaray
Sar ki zeenat sang-e-khara
Pasli mein nezah bhi mara
Dard bhara yeh manzir sara
Farsh-o-bashar ki mukti khatir
Lahu baha keh diya isharah
Andheron ki gor mein murdah
Jan-o-tan ko Us ne pukara
Us ne bhulaye Us ne mitaye
Khataein sari rog humaray
Us jevan ne mehar-o-wafa ka
Mukti ka phir bhed tha paya
Ab yeh afsha hum pe hua hi
Mukti daata jeevan dhara
Wohi apna sedha rasta
Us ke behtay lahu ke eiwaz
Hum ne abdi shehar hai jana
Abad talak phir qurab-e-Masih mein
Humein sada phir waheen hi rehna
Kesa hoga manzir sara
Roh-o-tan yeh soch keh sara
Khushi se hai mamoor humara
Khushi se hi mamoor humara