Ibn-E-Khuda | ابنِ خُد

Goad mein Mariam ke aya ban ke woh Ibn-e-Khuda
Arz peh utra woh shah-e-do jahaan Ibn-e-Khuda

Hain malaik muztarab mil ke sabhi mehwar-e-sana
Ho sulah aur aman jag mein agaya Ibn-e-Khuda

Ghor shab dhalnay ko hai kirnein sehar ki chaar su
Ab Masih khursheed aya zaat-e-paak Ibn-e-Khuda

Chorh ker takht-e-falak charni mein daira kar liya
Hai sadaqat adal aur mehar-o-wafa Ibn-e-Khuda

Sab ko denay zeist kasrat ki Masiha hi khara
Mat daro aye gunah garo shaffi hi Ibn-e-Khuda