|
Charni day wich Yesu raja, charni latan mardi aye
Ibn-e-Adam jag chay aya, Yesu soorat pyar di aye
Jerhay waryan zulam di chaki day wich pisday rehnday san
Ohnan nein aj weekh layi aye fouj ibless di hardi aye
Phul te taryan ral mil Bathlehem wich maila laya aye
Tal gaye jag thon ghup haneray mili saweer bahar di aye
Yesu bajhon gumrahi di chadar sanhu dhakya see
Ohdi amad aj eis jag di nok palak sanwar di aye
Jhilmil jhilmil char chafery jag di sach dhaj kerday nein
Aan farishtay taryan de nal gawan soraj malhaar di aye
Mashraq de shah door darah day painday ker ke aye nein
Sanhu we aj tang we Yesu raja de darbar di aye aye
Bhedan de ayali Amer charni de wal tur paye ne
Fiker nah kai galay di nah rat di jerhi thar di aye
|
چرنی دے وچ، یسوع راجہ، چرنی لاٹاں ماردی اے
ابنِ آدم جگ چے آیا، یسوع صورت پیاردی اے
....٭....
جیہڑے وریاں ظُلم دی چَکی دے وچ پسدے رہندے سن
اونہاں نیں اج ویکھ لئی اے فوج ابلیس دی ہاردی اے
....٭....
پھُل تے تاریاں رَل مِل بیت الحم وچ میلہ لایا اے
ٹل گئے جگ تھوں گُھپ ہنیرے مِلی سویر بہار دی اے
....٭....
یسوع باجھوں گمراہی دی چادر سانہوں ڈھکیا سی
اوہدی آمد اج ایس جگ دی نوک پلک سنوار دی اے
....٭....
جھِلمِل جھِلمِل چار چفیرے جگ دی سج دھج کردے نیں
آن فرشتے تاریاں دے نال گاﺅن سورگ مَلہار دی اے
....٭....
مشرق دے شاہ دور دراڑدے پینڈے کرکے آئے نیں
سانہوں وی اج تانگ وے یسوع راجہ دے دربار دی اے
....٭....
بھیڈاں دے ایالی عامر چرنی دے وَل ٹُر پئے نیں
فِکرنہ کائی گلے دی نہ رات دی جیہڑی ٹھار دی اے
|
Copyright © 2010 - 2012