Nijat Aa Gayi | نجات آگئی

Efaye ehad ho gaya shifait agaye
Mere Masih ke janam se nijaat agaye

Ek faslah tha darmian Khuda ke
Sab log yeh Khuda ke is se juda thay

Thi darmian judai ki jo bat agaye
Mere Masih ke janam se nijaat agaye

Wada tha yeh Khuda ka tum ko bachaon ga
Ghulami gunah se tum ko churaonga

Insan se Khuda ki mulakat agaye
Mere Maish ke janam se nijaat agaye

Katay ga sanp airhi peh kuchlayga insan sar
Hai ikhteyar Rab se mila mujhko yeh magar

Iblees peh fatah ki shuruwat agaye
Mere Masih ke janam se nijaat agaye

Iklota Beta de diya hum ko bacha liya
Qurbani de ke jaan ki hum ko chura liya

Chutkaray ke aye ghari brat agaye
Mere Masih ke janam se nijaat agaye

Poora kiya hi wadha Khuda ne jahan se
Paye har ik makhlasi apnay emaan se

Khushyan manao ab khushi ki rat agaye
Mere Masih ke janam se nijaat agaye

Mere Khuda ke pyar ka andaza kejiye
Beta diya hi zindagi bhi muft lejiye

Lo asmaan se pyar ki soghaat agaye
Mere Masih ke janam se nijaat agaye

Khushkhabri do jahan ko ehal-e-zameen sab
Hai Baap se emandaron ka milaap ab

Lo abdi zindagi ki yeh kheraat agaye
Mere Masih ke janam se nijaat agaye